Casa di pobri
Quáto paredi saquédo
di pedra nú
padja cana stendêdo riba cumêra
pâ tádja sol
cinco metro di comprido
três di largura
um stêrado na meio
pa tem um «sala»
na parede um fodja jornal
pa dal finura
na cantunêra um candêro di vidro
di civilizaçon
na cantu casa um tamboro midjo
pa mostra nhôs.
Num banda casa mi cu nha mudjer tâ fazê fidjo
na queloto banda
nôs cinco fidjo (três matcho, dôs fémea)
ta ronca sono
na batente porta
«piloto» ta spanta finado
baxo mesa nôs galo
ta cordano pâ trabadjo.
David Hopffer C. Almada in Mirabilis de veias ao sol
Sem comentários:
Enviar um comentário